Зәйдә чираттагы атналык авыл хуҗалыгы ярминкәсе узды

Бүген «Энергетик» мәдәният сарае каршындагы мәйданда чираттагы атналык авыл хуҗалыгы ярминкәсе узды. Ярминкәдә Агросәнәгать паркының һәм җирле җитештерүчеләрнең авыл хуҗалыгы продукциясенең киң ассортименты тәкъдим ителде. Шәһәр халкына үз продукцияләрен Вера Савгильдина, Алексей Кузнецов, Илдар Сәгыйтов фермер хуҗалыклары һәм 5 авыл җирлеге Баграж, Дурт-Мунча, Түбән Биш, Якты Күл, Сармаш-Баш тәкъдим итте. Зәйлеләр арзан бәяләрдән дуңгыз, сыер, сарык, ат ите, шулай ук сөт продукциясе, бал, он, ярмалар, шикәр, кондитер, казылык әйберләре, ашлык, фураж һ.б. сатып алдылар. Гадәттәгечә, беренчеләрдән булып сәүдә рәтләре буйлап район башлыгы Разиф Кәримов узды һәм халыкка тәкъдим ителгән продукциянең ассортименты һәм сыйфаты белән җентекләп танышты.