Зәй шагыйрәсе Надежда Чепурная чираттагы китапларын тәкъдир итте
23 мартта С. Рафыйков исемендәге үзәк китапханәдә Зәй шагыйрәсе Надежда Чепурная «Волонтеры вселенной» һәм «Моя прекрасная Ева» исемле чираттагы китапларын тәкъдир итте. Яңа китапның барлыкка килүе - ул һәрвакыт автор өчен генә түгел, ә шәһәрнең мәдәни җәмәгатьчелеге өчен дә вакыйга. Бу көнне барысына да Надежда Чепурнаяның илһам дөньясына шигъри сәяхәт кылу мөмкинлеге туды. «Волонтеры вселенной» китабына кертелгән шигырьләр үз-үзеңне чикләү елларында, пандемия вакытында язылган. Әмма безнең табиблар дөньяның теләсә кайсы ноктасында куркусыз эшли. Надежда Чепурная үз әсәрләрендә бик яхшы киеренке интрига ясый белә, шул ук вакытта романтик кичерешләрнең барлык нечкәлекләрен дә күрсәтә. Аның китабында мәхәббәт тә, заманча проблемалар да тыгыз үрелеп бара. Автор тормышның кадерен белергә, шатланып яшәргә һәм кешеләргә ярдәм итәргә чакыра. «Без яшибез һәм бу бик әйбәт. Шигырьләр миңа борчуларымны җиңәргә ярдәм итте. Алар сезнең сорауларыгызга да җавап табарга ярдәм итәр дип өметләнәм», - диде Надежда Чепурная. Венера Кухарь, Любовь Санникова, шулай ук китапханә хезмәткәрләре авторның шигырьләрен һәм мәхәббәт турында язылган романтик повестьтан өзекләрен укыдылар. Вера Дуболазова, Мария Никитина, Виктория, Сабина Асадова, Риана һәм Зәринә Гарипова җырлары шигырь кичәсен тагында бизәделәр. Очрашуда бәйрәм рухы, уңай кичерешләр һәм яхшы кәеф булды. Автор китапларын үзәк китапханәгә, шәһәр һәм район мәктәпләре китапханәләренә бүләк итте. Теләүчеләргә авторның имзасы куелган һәм изге теләкләре язылган китапларны ала мөмкинлеге булды. Ә яңа китаплар тәкъдир итүдә катнаша алмаган шәһәр халкы аларны үзәк китапханәдә таба ала.