Хөрмәтле салым түләүчеләр!

Россия Федераль салым хезмәтенең ТР буенча 11 нче районара инспекциясе хәбәр иткәнчә, салым түләүче мәгълүматка ризалык биреп, салымнар буенча бурычлар турында мәгълүматны телефон яки электрон почтага СМС-хәбәрләр рәвешендә ала алачак. Җибәрү 3 айга бер тапкыр башкарыла. Салым инспекциясеннән хәбәрләр ала башлау өчен, Федераль салым хезмәтенә язма ризалык бирергә кирәк була. Ризалыкны Россия Федераль салым хезмәтенең nalog.gov.ru сайтында «Физик затлар өчен салым түләүченең шәхси кабинеты» сервисы аша электрон формада бирергә мөмкин. Моның өчен тиешле мәгълүматларны электрон формада “ФЗ салымнары” мобиль кушымтасы аша шәхси кабинетның «Контакт мәгълүмат - көйләүләре» блогына кертергә кирәк, шәхсән яки вәкил аша, яисә почта аша заказлы хат белән җибәрергә мөмкин. «Ризалык» формасын тутырганда, шәхси кабинет аша хәбәрнамәнең төрен күрсәтергә, ә атап әйткәндә, телефон номеры буенча яки электрон почта аша хәбәр итәргә һәм «Ризалык» ның электрон имза белән имзалануын расларга кирәк. Күрсәтелгән телефон номеры яки электрон почта үзгәргән очракта, мәгълүмат бирү өчен, кабат салым органына ризалык җибәрергә кирәк.