Кулланучылар хокукларын бәйрәм итү кысаларында консультация бирелде
Бөтендөнья кулланучылар хокуклары көне - бу безгә, кулланучыларга безнең хокуклар турында искәртү көне булып тора. Бу көнне бәйрәм итү кысаларында оештыручылар төрле акцияләр, семинарлар һәм ачык конференцияләр оештыра. Мәгърифәтчелек чаралары бөтен дөньяда, шул исәптән Россиядә дә уза. Мәсәлән, 15 мартта ил буенча кайнар линияләр эшли - һәр теләгән кеше телефон аша теге яки бу хезмәт күрсәтүне кулланучы буларак үз хокукларын тулырак аңлатуны, тиешле сыйфатта булмаган товар өчен акчаны ничек дөрес кайтарырга, бәхәсле мизгелләрдә кая мөрәҗәгать итәргә, суд тикшерүләренең тәртибе нинди булуы һ.б. турында аңлатуны сорый. Зәй шәһәренең «КФҮ» ДБУ филиалында Зәй муниципаль районы Башкарма комитетының икътисад бүлеге белгече – Кобелева Елена Николаевна, ТР Дәүләт алкоголь инспекциясенең Түбән Кама территориаль органы әйдәп баручы-эксперты – Милочкина Эльвира Сәгыйт кызы һәм "Роспотребнадзор" ның Татарстан Республикасы буенча идарәсенең Әлмәт, Зәй, Лениногорск районнарындагы территориаль бүлеге башлыгы – Насыйбуллин Ринат Миннулла улы белән берлектә халыкка консультацияләр үткәрелде. Кулланучылар хокукларын яклау мәсьәләсе буенча Халык азык-төлек һәм азык-төлек булмаган товарларга бәя сәясәте, оргтехника һәм техник яктан катлаулы товарларга, шул исәптән ваклап сату объектлары мобиль җайланмаларына гарантияле хезмәт күрсәтү тәртибе турында сораулар бирде. Белгечләр барлык сорауларга да квалификацияле җаваплар бирделәр.