"Мәгариф" милли проекты: берләшмә, команда, нәтиҗә

Зәй шәһәре мәктәпләренең «Мәгариф» милли проектында катнашуы «Физика», «Химия», «Биология» фәннәренең эчтәлеген һәм өйрәнү методларын яңартуга юнәлдерелгән. Зәй шәһәренең 4 нче мәктәбе базасында ачылган «Үсеш ноктасы» табигый-фәнни һәм технологик юнәлештәге мәгариф үзәге табигый-фәнни профильдәге өстәмә гомуми белем бирү программаларын тормышка ашыра. «Мавыктыргыч физика» түгәрәге кысаларында укытучы Лукина Елена Рафаэль кызы әйләнә-тирә дөньяны өйрәнүгә юнәлдерелгән дәресләр үткәрә. Укучылар Lego Spike Prime укыту конструкторы нигезендә, роботны җыерга һәм программалаштырырга өйрәнделәр. Lego Spike Prime-ул конструктор, балаларга үз хыялларын тормышка ашырырга, кызыксынып эшләргә һәм эшләренең ахыргы нәтиҗәсен күрергә өйрәтә. Конструкцияләү фикерләүне, җитезлекне, шулай ук интеллектуальлекне һәм иҗади мөмкинлекләрне үстерүгә, җайлаша белү һәм партнер белән хезмәттәшлек итә белү кебек сыйфатлар формалаштыруга ярдәм итә. Ярдәмче программа һәм датчиклар ярдәмендә робот хәрәкәткә реакция белдерергә, нинди дә булса объект яки төсне танып белергә өйрәтергә мөмкин. Укучылар бик теләп түгәрәккә йөриләр, һәр дәресне түземсезлек белән көтеп алалар. «Үсеш ноктасы» үзәкләре балаларга һәм яшүсмерләргә коммуникатив күнекмәләрне камилләштерергә, креативлыкны, стратегик һәм пространстволы фикерләүне үстерергә, һөнәрне аңлы рәвештә сайларга, яңа белемнәр алырга һәм хәзерге дөньяда кирәк булачак әйберләрне үзләштерергә ярдәм итә.