Зәйдә наркотикларга каршы комиссия утырышы узды

Бүген хакимиятнең зур залында наркотикларга каршы комиссия утырышы булды. Утырышны Зәй муниципаль районы башлыгы урынбасары Петр Уразайкин алып барды. Көн тәртибендә наркопритоннар һәм наркотиклар сату урыннарын ачыклауга, шулай ук наркопритоннар максатында торак һәм торак булмаган биналардан файдалану фактларын булдырмауга юнәлтелгән, Россия Эчке эшләр министрлыгының Зәй районы буенча бүлеге чараларын үткәрү нәтиҗәләре турында, 2021 ел нәтиҗәләре буенча Зәй муниципаль районында наркотик хәлнең төп күрсәткечләре турында, гаиләләр һәм балигъ булмаган балалар белән наркоманияне ачыклау, контрольдә тоту һәм профилактикалау буенча ведомствоара хезмәттәшлекне оештыру турында мәсьәләләр каралды. Зәй районы буенча Россия Эчке эшләр министрлыгының полиция бүлеге башлыгы урынбасары Эдуард Ефимов, Зәй үзәк район хастаханәсенең психиатр-наркологы Илфат Салихов, мәгариф идарәсе башлыгы урынбасары Гүзәл Шәрәфиева чыгышлары тыңланды. Утырышка наркотикларга каршы комиссия рәисе урынбасары П.С. Уразайкин йомгак ясады, комиссия әгъзаларын һәм утырышта катнашучыларны алда санап үтелгән пунктлар буенча эшне активлаштырырга чакырды.