"Тынычлык һәм Валентин Распутин сүзе" дип исемләнгән әдәби сәгать үтте
Быел илнең мәдәни җәмәгатьчелеге XX гасырның икенче яртысындагы бөек әдәбиятчыларның берсе-Валентин Распутинның тууына 85 ел тулуны билгеләп үтә. 11 мартта С. Рафыйков исемендәге Үзәк китапханәдә язучының юбилее уңаеннан «Тынычлык һәм Валентин Распутин сүзе» дип исемләнгән әдәби сәгать үтте. Анда 7 нче мәктәпнең 8 «Б» сыйныфы укучылары катнашты. Чараның максаты - укучыларның Валентин Распутин иҗаты һәм шәхесе турында белемнәрен тирәнәйтү, шулай ук язучының таныш булмаган хикәяләре белән таныштыру. Укучылар Валентин Григорьевичның биографиясеннән кызыклы фактлар күрделәр һәм ишеттеләр, аның беренче китаплары турында белделәр, видео карадылар. Шулай ук әдәби сәгатьтә «Батырлык һәм ачы хакыйкать прозалары» дип исемләнгән китап күргәзмәсе оештырылды.