Район башлыгы Р.Г. Кәримовның 8 март-Халыкара хатын-кызлар көне уңаеннан котлавы

Хөрмәтле зәйлеләр! Кадерле хатын-кызлар, әниләр, әбиләр, апалар! Сезне 8 Март - Халыкара хатын-кызлар көне белән чын күңелдән тәбрик итәм. Хатын-кыз булу - югары миссия. Сез дөньяга яңа тормыш бүләк итәсез, гаилә учагын саклыйсыз, шатлык, гармония һәм тынычлык китерәсез. Сез – ирләрне төп рухландыручы көч, тугрылыклы тормыш терәге һәм аларның төп таянычы. Муниципаль районыбыз хатын-кызлары - укытучылар, табиблар, авыл хезмәтчәннәре, эшмәкәрләр, җитәкчеләр, үзмәшгульләр - хезмәт эшчәнлегенең барлык өлкәләрендә дә үз вазифаларын югары профессиональ дәрәҗәдә башкаралар, яхшы нәтиҗәләргә ирешәләр. Районда хатын-кызларыбыз хезмәт куймаган бер генә тармак та юк. Хезмәтләрен намус белән башкарып, актив тормыш позициясе белән туган районыбыз һәм республикабыз үсешенә өлеш кертүчеләргә зур рәхмәтләремне белдерәм. Бөек Ватан сугышы елларында Ватанны батырларча саклаган, тылда хезмәт куйган һәм илне торгызган өлкән буын хатын-кызлары аерым хөрмәткә лаек. Батырлыгыгыз, ватанпәрвәрлек һәм чыдамлыгыгыз, күңел җылыгыз, дөньяны матуррак, игелеклерәк итә белүегез, ир-атларны кыю гамәлләргә рухландыруыгыз өчен рәхмәт сезгә! Хөрмәтле хатын-кызларыбыз, сезгә ныклы сәламәтлек, бәхет, иминлек, иң якты теләкләрегезнең тормышка ашуын һәм тыныч күк йөзе телим! Сезнең һәркайсыгыз якыннарыгызның, туганнарыгызның мәхәббәтен, хөрмәтен һәм кайгыртуын тоеп яшәсен!