Зәйдә юл хәрәкәте иминлеген тәэмин итү комиссиясе утырышы узды

3 мартта хакимият бинасының зур залында район Башкарма комитеты җитәкчесе Э.Э Галиев, Россия Эчке эшләр министрлыгының Зәй районы буенча бүлеге башлыгы И.Р. Гыйззәтуллин, Россия Эчке эшләр министрлыгының Зәй районы буенча ЮХИДИ бүлеге башлыгы Р.Г. Гарифуллин, учреждение һәм оешма җитәкчеләре, авыл җирлекләре башлыклары, мәктәп директорлары һәм балалар бакчалары мөдирләре катнашында юл хәрәкәте иминлеген тәэмин итү комиссиясенең чираттагы утырышы булды. 2022 елның гыйнвар-февраль айларында район территориясендә юллардагы хәлләр һәм аварияләр турында Россия Эчке эшләр министрлыгының Зәй районы буенча ЮХИДИ бүлеге башлыгы Рамил Гарифуллин хәбәр итте; 2022 елда мәгариф оешмаларында юл-транспорт һәлакәтләрен кисәтү буенча алып барылган эш турында «Юл хәрәкәте иминлеге» ДБУнең Зәй филиалы башлыгы Вадим Иванов; «Татнефтедор» ҖЧҖнең Зәй АЮИ башлыгы Фидаил Хәернасов районда юлларны карап тоту буенча эшләрнең барышы турында сөйләде. Белем бирү учреждениеләрендә юл хәрәкәте иминлеге буенча кисәтү һәм үткәрелгән чаралар турында доклад белән татар гимназиясе директорының тәрбия эшләре буенча урынбасары Рәфисә Гатиятуллина һәм 7 нче урта мәктәп директорының тәрбия эшләре буенча урынбасары Эльвира Ханнанова чыгыш ясадылар; авыл җирлекләрендә юл хәрәкәте иминлеген профилактикалау буенча алып барылган эш турында Поручиково авыл җирлеге башлыгы Петр Тимаськов сөйләде. Комиссия эше юлларны карап тотуга күзәтчелекне арттыруга, юл-транспорт һәлакәтләрен киметү чараларын гамәлгә ашыруга, мәгариф учреждениеләрендә, шәһәр һәм район халкы арасында юл хәрәкәте иминлеге буенча чараларны гамәлгә ашыруны тәэмин итү буенча профилактик эш алып баруга юнәлдерелгән. Утырышка Эмиль Галиев йомгак ясады.