"Спорт-шатлык"

«Демография» милли проекты кысаларында Зәй шәһәрендә халыкның барлык категорияләре һәм төркемнәре өчен даими рәвештә физкультура чаралары үткәрелә. Халыкара хатын-кызлар көненә багышланган чираттагы «Спорт-шатлык» чарасы "Энергетик" мәдәният сараеның спорт залында узды. Анда 55 яшьтән өлкән хатын-кызлар катнашты. «Барс» спорт мәктәбе тренеры Гөлназ Абдуллина оештырган спорт ярышы илкүләм проектның төп күрсәткечләренә ирешүгә, аерым алганда, физик культура белән даими шөгыльләнүче гражданнар санын арттыруга юнәлдерелгән. Ярыш нәтиҗәләре буенча катнашучылар физик культура, спорт һәм туризм идарәсеннән бүләкләр белән бүләкләнделәр.