Район башлыгы авыл хуҗалыгындагы эшнең торышы белән танышты

Бүген Зәй муниципаль районы башлыгы Разиф Кәримов авыл хуҗалыгы идарәсе белгечләре, зооветеринария белгечләре һәм агрофирмалар белгечләре белән берлектә авыл хуҗалыгы формированиеләрен йөреп чыкты. Разиф Гали улы терлекчелектәге эшләрнең торышы, тракторларны һәм авыл хуҗалыгы машиналарын ремонтлау барышы, шулай ук җитештерү комплексларында минераль ашламаларның сакланышы белән танышты. Бүгенге көндә район аграрийлары 1 га сөрүлеккә 95 кг д.в. тупланган. "Восток" агрофирмасында бу күрсәткеч 109 кг, "Зәй шикәре" агрофирмасында-102 кг, "Зәй" агрофирмасында -96 кг. Районның барлык фермаларныда һәм сөтчелек комплексларында терлекләрне кышлату шартлары тикшерелде. Малларны кышлату өчен барлык шартлар да бар. Узган елгы корылыкка карамастан, сусыл һәм тупас азык җитәрлек күләмдә әзерләнгән, ә концентрацияләнгән азык: катнаш азык, жмых, шротлар Чаллы элеваторыннан азык рационы нигезендә ташыла. 2 атналык запас складларда бар. Шулай ук район башлыгы "АГРО Сервис"АҖнең 5 нче ремонт цехында энергиягә бай тракторларны ремонтлау барышы белән танышты. Бүгенге көндә 14 тракторның 10сы капиталь ремонтланган, тагын 4се -тәмамлану стадиясендә. Ремонт цехы хезмәткәрләре РОПА чөгендер җыю комбайннарын ремонтлауга керештеләр инде. Разиф Галиевич авыл хуҗалыгы предприятиеләре хезмәткәрләре белән аралашты, аларны райондагы эшләрнең торышы белән таныштырды, үзләренең һәм якыннарының сәламәтлегенә игътибарлы булырга чакырды.