Зәйдә чаңгы буенча Татарстан Республикасы Чемпионатының 2 нче туры уза

2 нче марттан 6 нчы мартка кадәр «Ялта-Зәй» спорт әзерлеге үзәгендә «СССРның атказанган спорт мастеры В.А. Бекасов призы» чаңгыда узышу буенча Татарстан Республикасы Чемпионатының 2 нче туры уза. Ярышларда Татарстан Республикасының 17 районыннан 120 спортчы катнаша. Беренче көнне спортчылар ирекле стильдә спринтта ярыштылар. Узыш нәтиҗәләре буенча Зәй шәһәренең олимпия чемпионы Ф.П. Симашев исемендәге спорт мәктәбе спортчысы Алинә Вәлиуллина җиңүче булды. Спортчының тренеры -Колесов Сергей Владимирович. Бүләкләү тантанасында Зәй муниципаль районы башлыгы Кәримов Разиф Гали улы, Татарстан Республикасының чаңгы узышлары һәм биатлон федерациясе эшләре идарәчесе Блохин Денис Анатольевич, «Ялта-Зәй» үзәге директоры Огурцова Белла Ивановна катнашты.