Зәй педагоглары белем бирүдә дәвамчанлыкны куллану ягында

Бүген 7 нче мәктәптә район башлыгы Разиф Кәримов катнашында мәгариф хезмәткәрләренең «Федераль дәүләт белем бирү стандартлары шартларында дәвамчанлык: мәктәпкәчә һәм гомуми белем бирү практикаларын гамәлгә ашыру» темасы буенча семинар-киңәшмәсе булды. Семинарда мәгариф идарәсе башлыгы Эрнст Сәфәргалиев «ФГОС шартларында дәвамчанлык: мәктәпкәчә һәм гомуми белем бирү буенча белем бирү практикаларын гамәлгә ашыру», “Күкчәчәк” балалар бакчасы мөдире Светлана Иванова “Белем бирү процессында STEAM - технологияләрне куллану”, 7 нче урта гомуми белем бирү мәктәбе директоры Игорь Биканов “Үсеп килүче мәгариф шартларында дәвамчанлык” дигән темаларга чыгыш ясадылар. Район башлыгы Разиф Кәримов, киңәшмәне йомгаклап, мәгариф учреждениеләре җитәкчеләрен әлеге юнәлештә эшне актив дәвам итәргә чакырды, аларга җаваплы эшләрендә уңышлар теләде.