Зәйдә физкультура һәм спорт идарәсе эшчәнлегенә йомгак ясалды

Бүген Зәй балалар музыка мәктәбендә район башлыгы Р.Г. Кәримов, район Башкарма комитеты җитәкчесе Э.Э. Галеев катнашында Физик культура, спорт һәм туризм идарәсенең кече коллегиясе булып узды. Коллегиядә физик культура, спорт һәм туризм идарәсе башлыгы вазифаларын башкаручы И.П. Халикова, районның спорт мәктәпләре директорлары Ю.Л. Худяков, И.Г. Тимеркаева, Н. В. Шаповаленко, О. И. Сөнгатуллина докладлары тыңланды. Коллегия физик культура һәм спорт хезмәткәрләрен бүләкләү тантанасы белән тәмамланды: «Татарстан Республикасы Физик культура һәм спортны үстерүдәге казанышлары өчен» мактау билгесе белән «Барс «спорт мәктәбе» МБУ тренеры Лисов Валерий Владимирович, «Татарстан Республикасының физик культура һәм спорт отличнигы» күкрәк билгесе белән «Барс «спорт мәктәбе» МБУ директоры вазыйфаларын башкаручы Шаповаленко Наталья Владимировна, Татарстан Республикасы спорт министрлыгының Мактау грамотасы белән аерым фәннәрне тирәнтен өйрәнүле 7 нче Зәй урта гомуми белем бирү мәктәбе физкультура укытучысы Краснова Регина Рафис кызы, Татарстан Республикасы спорт министрлыгының Мактау грамотасы белән мәгариф идарәсе методисты Гатина Лилия Даниял кызы бүләкләнде. «Сәламәтлек» спартакиадасы йомгаклары буенча Зәй муниципаль районы предприятиеләре, оешмалары һәм учреждениеләре арасында 2020-2021 сезонында түбәндәгеләр бүләкләнде: 3 урын өчен- мәгариф идарәсе, 2 урын өчен - Зәй шәһәренең «Завод ТЕХНО» җаваплылыгы чикләнгән җәмгыяте филиалы, 1 урын өчен - «Татэнерго» АҖ филиалы Зәй ГРЭСЫ. «Сәламәтлек» спартакиадасы йомгаклары буенча Зәй муниципаль районы авыл җирлекләре арасында 2020-2021 сезонда түбәндәге урыннар белән бүләкләнделәр: 3 урын өчен - Якты Күл авыл җирлеге, 2 урын өчен - Сәвәләй авыл җирлеге, 1 урын өчен -Баграж авыл җирлеге. Коллегия эшендә шулай ук район башлыгының җәмәгать ярдәмчеләре Фәйзуллин Рәкыйп Нәҗип улы һәм Миннәхмәтов Әнәс Әхәт улы катнашты.