Милек салымы вычетын гадиләштерелгән тәртиптә Шәхси кабинет аша алып булачак

Хөрмәтле салым түләүчеләр! Россия Федераль салым хезмәтенең ТР буенча 11нче районара инспекциясе милек салымы вычетын гадиләштерелгән тәртиптә шәхси кабинет аша алып булу турында хәбәр итә. «Россия Федерациясе Салым кодексының беренче һәм икенче өлешләренә үзгәрешләр кертү турында» 20.04.20021 ел, №100-ФЗ Федераль законы нигезендә, Россия Федерациясе Салым кодексының 220 статьясына үзгәрешләр кертелде, алар нигезендә торак сатып алуга һәм процентларны түләүгә чыгымнар буенча милек салымы вычетын гадиләштерелгән тәртиптә алырга мөмкин. Әлеге тәртип №100-ФЗ Федераль законның 3 пунктын исәпкә алып 2022 елдан гамәлгә керә һәм 2020 елдан милеккә хокукы барлыкка килгән һәм 2021 ел өчен өлешчә алынган вычетларга кагыла. Милек салымы буенча алынып бетмәгән вычетлары булган гражданнарга карата Россия Федераль салым хезмәте 2022 елның 20 мартыннан да соңга калмыйча барлык шартларны автомат рәвештә тикшерәчәк. Ә 20 марттан соң салым түләүчеләр милек салымы буенча вычетны гадиләштерелгән тәртип буенча ала алачаклар, бу торак йорт, фатир яисә бүлмәне 2020 елда сатып алып, 2021 нче елда инде 3-НДФЛ формасы буенча милек салымы вычетыннан өлешчә файдаланган кешеләргә кагыла. Өстенлекләре: беренчедән, 3-НДФЛ декларациясе тапшырырга кирәкми, икенчедән, камераль салым тикшерүе вакыты 3 айдан 30 көнгә кадәр, өченчедән, акчаны күчерү 30 көннән 15 көнгә кадәр кыскартыла.