Район башлыгы Р.Г. Кәримовның Ватанны саклаучылар көне уңаеннан котлавы

Хөрмәтле зәйлеләр! Сезне Ватанны саклаучылар көне белән чын күңелдән котлыйм! Бу – чын ир-егетлəрнең көчле рухлы, батырлык, намус һəм абруй кебек сыйфатларга ия булуларын раслый торган бəйрəм. Россиянең хәрби батырлыгын һәм сугышчан данын символлаштыручы әлеге бәйрәмдә без Ватаныбыз сакчыларына хөрмәт күрсәтәбез. Безнең һәрберебез дә үзенең көндәлек хезмәте белән туган районыбыз һәм республикабызның данын һәм куәтен арттыруга өлеш кертә. Туган җиребезне фашист илбасарларыннан саклап калган Бөек Ватан сугышы ветераннарына, тылда Җиңү көнен якынайтуга үзләреннән зур өлеш керткән тыл хезмәтчәннәренә ихтирамыбыз чиксез, аларга лаеклы алмаш булган локаль конфликтлар ветераннарына, запастагы рядовой һәм офицерларга, бүгенге көндә ил сагында торучыларга рәхмәт белдерәм. Бүген муниципаль районнан 100дән артык егетебез үзенең хәрби бурычын үти, 30га якын зәйле контракт буенча хезмәт итә. Бүгенге солдатлар иртәгә туган районыбызда хезмәт куеп, Зәебезне барлык тармаклар буенча да намус белән лаеклы танытыр дип ышанам. Яшь буын ата-бабалар үрнәгендә тәрбияләнә. Балаларны патриотизм рухында, ныклы ихтыяр көчле итеп тәрбияләү, үз тарихыңны белү, үз халкыңның гореф-гадәтләрен хөрмәт итү - районның киләчәктә имин үсеше нигезе. Барыгызга да куелган максатларыгызга ирешүегезне, кыюлык, рух ныклыгы, тыныч күк йөзе, сәламәтлек һәм бәхет телим.