Эшләүче яшьләр өчен «Батырлык, дан, мәхәббәт турында» концерт

21 февральдә “Дуслык” яшьләр үзәгендә Ватанны саклаучылар көненә багышланган эшләүче яшьләр өчен концерт булды. Кич буена ГРЭС, шикәр заводы, Технониколь, Аккурайд Уилз Руссиа кебек предприятиеләр һәм заводларда эшләүче яшьләр үзләренең хезмәттәшләрен төрле иҗади номерлар, яндыргыч биюләр һәм КВН миниатюралары белән сөендерде. Концерт программасы азагында хатын-кызлар ир-атларны якынлашып килүче бәйрәм - Ватанны саклаучылар көне белән котлады. Уңайлы, өй атмосферасы, яраткан музыка, күңелле очрашулар һәм хуш исле чәй - бу искиткеч кичне шулай тасвирлап була. Ватанны саклаучылар көне - чын ир-атлар бәйрәме. 23 февраль көнне без ата-бабаларыбызның батырлыкларын искә төшереп кенә калмыйбыз, ә көчле җенес вәкилләренең батырлыгына һәм намуслыгына хөрмәт күрсәтәбез.