Район башлыгы Р.Г. Кәримовның Халыкара туган тел көне уңаеннан котлавы

Хөрмәтле зәйлеләр! Сезне Халыкара туган тел көне белән котлыйм! Сезгә чын күңелдән туган ягыгызны яратуыгызны, туган телегез белән горурланып, үз мәдәниятегезне данлап яшәвегезне телим. Һәр кешенең туган теле һәрвакыт аралашу һәм үсеш өчен көчле корал булып калсын. Чөнки ата-бабаларыбызның теле безгә яшәргә, иҗат итәргә, кыйммәтле рухи байлыкларны сакларга һәм киләчәк буыннарга тапшырырга көч бирә. Туган телгә карата ихтирамлы мөнәсәбәт ул үзебезнең генә түгел, ә районыбыз, республикабыз, илебезнең күпсанлы халыклары тарихы һәм мәдәниятенә хөрмәт һәм мәхәббәт тәрбияләү булып тора. Һәр халыкның туган теле әлеге телдә укуга, өйрәнүгә һәм сөйләшүгә лаек. Әлеге байлыкны буыннан-буынга тапшыру– безнең уртак бурычыбыз. Шуңа да без телебезнең сафлыгы, матурлыгы, аһәңлеге өчен армый-талмый көрәшергә, эшләргә, үз тамырларыбыз белән горурланырга бурычлыбыз. Барыгызга да нык сәламәтлек, бәхет, гаилә иминлеге, тынычлык, шатлыклы көннәр һәм уңышлар телим.