Зәйдә «КЭС-Баскет» мәктәп баскетбол лигасы чемпионаты финалына старт бирелде

Бүген «Старт» спорт-сәламәтләндерү комплексы базасында «КЭС-Баскет» мәктәп баскетбол лигасы чемпионатының финал ачылышы булды. Тантаналы чарада Зәй муниципаль районы башлыгы урынбасары Петр Уразайкин, Татарстан Республикасы Мәгариф һәм фән министрлыгының мәктәптән тыш эшләр Республика үзәгенең Спорт секторы мөдире Лариса Габитова, мәгариф идарәсе башлыгы Эрнст Сәфәргалиев катнаштылар һәм укучыларга нәсихәт сүзләре белән чыктылар. Чемпионат финалында Татарстан Республикасы гомуми белем бирү оешмаларының 16 командасы катнаша. Зәй районы данын аерым фәннәрне тирәнтен өйрәнүле 7 нче урта гомуми белем бирү мәктәбе егетләр командасы һәм 6 нчы урта гомуми белем бирү мәктәбе кызлар командасы яклаячак. Аларга уңышлар телибез!