Зәй фермерлары хуҗалык эшчәнлегенә йомгак ясады

Бүген хакимият бинасының зур залында район башлыгы Разиф Кәримов катнашында фермерлар, крестьян хуҗалыклары һәм авыл хуҗалыгы кулланучылар кооперативлары конференцияләре узды. Конференция эшендә шулай ук авыл җирлекләре башлыклары да катнашты. Фермер хуҗалыкларының, крестьян хуҗалыкларының (шәхси ярдәмче хуҗалыкларның) һәм авыл хуҗалыгы кулланучылар кооперативларының хуҗалык эшчәнлеге нәтиҗәләре белән авыл хуҗалыгы һәм азык-төлек идарәсе башлыгы Фәргать Камалиев чыгыш ясады. 2022- 2023 елларга район икътисадының тотрыклы үсеше бурычлары һәм цифрлы технологияләр кертү буенча башкарма комитет җитәкчесенең икътисади үсеш, сәнәгать, сәүдә һәм эшмәкәрлеккә ярдәм итү буенча урынбасары Розалия Архипованың чыгышы тыңланды. Шулай ук 2022 елга икътисадый нигезләнгән уңышны формалаштыру, районда һәм Татарстан Республикасы буенча эпизоотик хәл, азык-төлек куркынычсызлыгы мәсьәләләре, авыл хуҗалыгы товарлары җитештерүчеләргә ташламалы кредитлар бирү шартлары турындагы мәсьәләләр каралды. Фермерларның республика конференциясендә катнашу өчен делегатлар сайланды, районның иң актив фермерларына Зәй муниципаль районы башлыгының Мактау грамоталары тапшырылды. Конференциягә район башлыгы Р. Г. Кәримов йомгак ясады.