Зәй шәһәренең «Завод ТЕХНО» ҖЧҖ филиалында яңа экологик проект эшли башлады

2022 елның 24 гыйнвары, дүшәмбе
Бүген Зәй шәһәренең «Завод ТЕХНО» ҖЧҖ филиалында район башлыгы Разиф Кәримов катнашында югары нәтиҗәле газ чистарту җиһазын рәсми төстә эшләтеп җибәрү чарасы үтте. Анда Росприроднадзор, Роспотребнадзор вәкилләре, җирле предприятиеләр: Зәй ГРЭСЫ, «Аккорайд Уилз Руссиа» ҖЧҖ, «Зәй шикәре» ААҖ җитәкчеләре катнашты. Проектны филиал директоры Мамонтов Андрей Валерьевич тәкъдим итте. Чистарту җиһазын монтажлау һәм урнаштыру буенча проект 2021 елның сентябрендә Словениядән җиһазлар китерелгәннән соң башланды. Аны сайлау буенча эш 2020 елда ук башланды, сайланган җиһаз бөтен Европа стандартларына туры килә. «Завод ТЕХНО» ҖЧҖ филиалы шундый инновацион җиһазлар урнаштырган беренче завод булды. Әлеге җиһазлар фенол һәм формальдегидны полимерлаштыру камерасы фильтрыннан аерылып чыккан калдыкларны 95% ка киметергә мөмкинлек бирә. Шуны да билгеләп үтәргә кирәк, завод төзелгәндә ук аның линияләренең яртысына диярлек чистарту җиһазлары урнаштырылып проектлана. Моннан тыш Һаваның пычрану куркынычын киметү буенча башка күп төрле өстәмә чаралар да күрелә. Бүген завод үз калдыкларының 99% тан артыгын таш мамык эшкәртүгә җибәрә. Аларны яңа минераль җепселләр алу өчен, югары температурада эри торган чималга өстиләр. Бу материалларны кабат куллану, әйләнә-тирә мохиткә булган тискәре йогынтыны киметергә зур мөмкинлек бирә. Технониколь корпорациясе һәрвакыт төбәк һәм аның халкы алдында социаль һәм экологик җаваплылыкны аңлап эш итә, шуңа күрә зарарлы матдәләр чыгаруның киметү өстендә эш алып бара. Зәй шәһәренең «Завод ТЕХНО» ҖЧҖ филиалы коллективында 309 кеше хезмәт куя, алар предприятиенең экологик куркынычсызлыгын арттыру өстендә даими эшлиләр. Быел Зәйдә заводының экологик проектларын тормышка ашыруга 100 млн сум каралган һәм тагын бер линиягә шундый җиһаз сатып алу планлаштырылган. Бу юнәлештә эш киләчәктә дә дәвам итәчәк.
ЯҢАЛЫКЛАРГА ЯЗЫЛУ
Все материалы сайта доступны по лицензии:
Creative Commons Attribution 4.0 International