Зәйдә Яшьләр эшләре буенча идарәнең кече коллегиясе узды
Бүген Зәй-2 микрорайоны Яшьләр үзәгендә кече идарә коллегиясе узды. Яшьләр эшләре буенча идарә коллегиясе - оешма өчен дә, актив яшьләр өчен дә бик мөһим чара санала. Чөнки яшьләр командасы өчен ул узган ел эшенә йомгак ясау, киләсе елга планнар раслау, тантаналы шартларда очрашу һәм актив гражданлык позициясе өчен лаеклы бүләк алу мөмкинлеге булып тора. Биредә кече коллегия кысаларында аерым мәйданчыклар оештырылды, аларда патриотик юнәлеш, студентлар отрядлары эше тәкъдим ителде, ә «Кайгырту» ирекле хәрәкәте «Зәй муниципаль районында ирекле эшчәнлек» темасына түгәрәк өстәл оештырды. Анда шәһәр башлыгы урынбасары, Татарстан Республикасының иреклеләр үзәге вәкилләре, «Волонтерлар медиклар» хәрәкәтенең төбәк бүлеге вәкилләре, белем бирү оешмалары, районның эре предприятиеләре яшьләр оешмалары җитәкчеләре һәм «Кайгырту» ирекле хәрәкәтенең актив вәкилләре катнашты. Түгәрәк өстәл кысаларында тулаем хәрәкәтне үстерү, «Волонтерлар медиклар» хәрәкәтенең җирле бүлекчәсен ачу, өлкән аудиторияне ирекле эшкә җәлеп итү, ә Зәй политехник көллияте директоры Сергей Васильевич Максимов студентлар арасында волонтерлык үсеше тәҗрибәсе турында сөйләде һәм мондый масштаблы эшне үстерергә ярдәм иткән кайбер серләре белән уртаклашты. Идарәнең кече коллегиясе утырышында Зәй муниципаль районы Башкарма комитеты җитәкчесе Эмил Эдуард улы Галиев, мәдәният, мәгариф, спорт һәм физик культура идарәләре, предприятие һәм учреждение җитәкчеләре, яшьләр сәясәте учреждениеләре хезмәткәрләре, укучылар, студентлар һәм эшләүче яшьләр арасыннан яшьләр берләшмәләре лидерлары катнашты, территорияләр белән эшләү секторы мөдире Илнур Газинур улы Сәгыйтов, онлайн режимда элемтәгә чыкты. Утырышның көн тәртибендә 2021 елда яшьләр эшләре буенча идарәнең эш нәтиҗәләре һәм 2022 елга бурычлары, 2021 елда Зәй муниципаль районында яшьләр яшүсмерләр клубларының эшчәнлеге, Зәй-2 микрорайонындагы Яшьләр үзәгенең 2021 елда башкарган эшеләре, “Татэнерго - Зәй ГРЭСЫ” акционерлык җәмгыяте филиалы предприятиесендә яшьләр активының эше, Зәй муниципаль районында 2021 елда ирекле эшчәнлекне үстерү һәм 2022 елга бурычлар билгеләү кебек мөһим мәсьәләләр каралды. Утырыш ахырында Эмиль Эдуард улы һәм Илнур Газинур улы йомгак ясадылар, алар идарә эшенә уңай бәя бирделәр һәм 2022 елда эшне дәвам итәргә кирәк булган проектларны билгеләделәр.