Зәйдә ел башыннан беренче авыл хуҗалыгы ярминкәсе узды

Бүген «Энергетик» мәдәният сарае каршындагы мәйданда сезон башыннан алып- унҗиденче, 2022 елда- беренче авыл хуҗалыгы ярминкәсе узды. Ярминкәдә агросәнәгать паркы һәм җирле җитештерүчеләрнең авыл хуҗалыгы продукциясе киң ассортименты тәкъдим ителде. Шәһәр халкына үз продукцияләрен районның фермер хуҗалыклары, 3 авыл җирлеге: Александр Бистәсе, Югары Нәлим, Поповка тәкъдим итте. Традиция буенча, беренчеләрдән булып сәүдә рәтләре буйлап район башлыгы Разиф Кәримов узды, ул сатуга куелган продукциянең ассортименты һәм сыйфаты белән танышты, шулай ук фермерлар һәм сатып алучылар белән аралашты, аларны кызыксындырган сорауларга җавап бирде. Сезон башланганнан бирле барлыгы 16 ярминкәгә 20 млн. сумлык продукция сатылган, шул исәптән 18 тоннадан артык сыер ите, 745 кг сарык ите, 42 тонна бәрәңге, 28 тонна кәбестә, 17 тонна суган, шулай ук казылык әйберләре, шикәр, он, ашлык, сөт һәм башкалар.