Район башлыгы Р.Г. Кәримов эш визиты белән Зәй ГРЭСында булды

Бүген район башлыгы Р.Г. Кәримов эш визиты белән Зәй ГРЭСында булды. Ул шәһәрнең иң эре предприятиеләренең берсе хезмәт коллективына 2021 елда районның социаль-икътисади үсеше турында сөйләде һәм 2022 елга бурычлар белән таныштырды. Үз чыгышында ГРЭС коллективының шәһәр тормышында мөһим роль уйнавын, район өчен социаль әһәмиятле проектларда актив катнашуын билгеләп үтте.«Татэнерго» АҖ филиалы – Зәй ГРЭСЫ эшчәнлегенең 2021 елгы нәтиҗәләре һәм алдагы чорга бурычлары турында станция директоры Дмитрий Валерьевич Прохоров чыгыш ясады. Дмитрий Валерьевич үз чыгышында персоналны түбәндәге җитештерү күрсәткечләре белән таныштырды: электр энергиясен эшләп чыгару, егәрлекне сату күләме, җылылык энергиясен җибәрү. 2021 елның 12 аенда Зәй ГРЭСЫ буенча эшләнгән эш күләме 4 974,54 млн. кВтч тәшкил иткән һәм 2020 ел белән чагыштырганда 49% ка арткан.210,2 мең Гкал җылылык энергиясе җибәрелгән. (2020 елга карата үсеш 2% ка арткан). Зәй ГРЭСыннан барлык дәрәҗәдәге бюджетларга һәм бюджеттан тыш фондларга 2021 ел башыннан алып 305,5 млн. сум акча кергән. Предприятиенең төп бурычлары - предприятиенең нәтиҗәле эш режимнарын, кулланучыларны электр һәм җылылык белән тәэмин итүнең ышанычлылыгын тәэмин итүгә юнәлдерелгән чараларны тормышка ашыру.2022 елга капиталь төзелешнең расланган планы, ПГУ – 850 МВт төзелеш проектын исәпкә алмыйча, 200,697 млн.сумлык 6 объектны үз эченә ала. (Хәзерге вакытта әлеге проект буенча 2022 елга инвестицияләр күләме «Татэнерго» АҖ идарәсендә карала). «Гомуми егәрлеге 850 МВт булган ПДУ энергоблокын төзү» проекты өстенлекле проект булып тора, аның буенча эшләр 2020 елның сентябреннән алып тулы көченә бара һәм 2023 елда тәмамлау планлаштырыла.Мондый мөһим проектны гамәлгә ашыру республика һәм күрше төбәкләр кулланучылары өчен энергия бәясен киметергә мөмкинлек бирәчәк. Нәтиҗә ясап, район башлыгы һәм станция директоры коллективка көйле эшләре өчен рәхмәт белдерделәр, нык сәламәтлек, аварияләрсез һәм тотрыклы эш теләделәр.