Район башлыгы Р.Г. Кәримовның Раштуа бәйрәме белән котлавы

Хөрмәтле зәйлеләр, православие динен тотучылар! Сезне чын күңелдән якты Раштуа бәйрәме белән котлыйм! Раштуаны бәйрәм итеп, без христианлыкның бай традицияләрен хөрмәт итәбез, тарих битләренә, рухи тамырларыбызга һәм кешелек кыйммәтләренә мөрәҗәгать итәбез. Әлеге бәйрәмнең бөек тылсымы кеше тормышына тирән мәгънә сала, иман, өмет һәм мәхәббәт чыганагы булып тора. Адәм баласын ул игелек-изгелеккә, күңел сафлыгына өнди. Зәйлеләр, христиан диненең иң яхшы традицияләренә тугры калып, тормышыбыздагы югары-әхлакый кыйммәтләрне ныгытуда әһәмиятле роль уйный, җирдә тынычлык, татулык хакына тугры хезмәт итә. Барлык дин тотучыларга муниципаль район файдасына игелекле эшләре өчен рәхмәт белдерәм. Сез рухи кыйммәтләрне ныгытасыз, җәмгыятьнең әхлакый сәламәтлеген кайгыртасыз, яхшы традицияләрне саклыйсыз һәм үсеп килүче буынга патриотик тәрбия бирүгә үз өлешегезне кертәсез. Раштуа бәйрәме һәр йортка тынычлык һәм муллык, тынычлык һәм сабырлык, бәхет һәм шатлык алып килсен! Чын күңелдән барыгызга да сәламәтлек, иминлек, бәхет, муллык телим.