Һәр мәктәптә спорт зал - «Мәгариф» милли проекты

«Мәгариф» милли проекты кысаларында «Һәр баланың уңышы» федераль проекты кысаларында Татарстан Республикасы Зәй муниципаль районы Түбән Биш урта мәктәбе базасында спорт залы төзекләндерелде. Бүген спорт залы яңа тормышка аяк басты: җылылык системасы, электр үткәргеч, идән тулысынча алмаштырылды, яңа яктырткычлар һәм ишекләр куелды. Яшь буынны физик тәрбияләү эшенә керткән бу зур өлешне педагоглар, укучылар һәм аларның әти-әниләре, авыл халкы һәм күп санлы кунаклар лаеклы бәяләде. Биредә физик культура дәресләре генә түгел, авыл, җирлек, һәм район ярышлары да үткәрелә. Спорт залын заманча ремонтлау волейбол, баскетбол, милли көрәш белән шөгыльләнү өчен менә дигән мөмкинлек бирә. Милли көрәш буенча республика һәм бөтенроссия турнирларында мәктәп укучысы Ибраһимов Җәмил югары нәтиҗәләр күрсәтә. 47 ел эшләү дәверендә Түбән Биш урта гомуми белем бирү мәктәбе күпме укучыларны кабул итте һәм чыгарды, алар арасында танылган галимнәр, спортчылар, язучылар, төзүчеләр, шагыйрьләр, юристлар, механизаторлар, педагогларда бар. Ике тапкыр дөнья чемпионы һәм Олимпия уеннары чемпионы, биш тапкыр Универсиада чемпионы, чаңгы ярышлары буенча уникенче тапкыр СССР чемпионы Федор Петрович Симашев урта белем турындагы аттестатны нәкъ менә Түбән Биш мәктәбендә алды. Аның шәхесе күп кенә мәктәп укучылары өчен үрнәк булып тора. Мондый легендар шәхесләр һәм мәктәпләрдәге заманча спорт заллары яңа спорт үрләренә ирешү өчен тагын да зур этәргеч бирә.