Зәй делегациясе ТР Муниципаль берәмлекләр Советы съездында

«Бүген Казанда Татарстан Республикасы Президенты Рөстәм Миңнеханов катнашында «Татарстан Республикасы Муниципаль берәмлекләре советы» ассоциациясенең XVI Съезды узды. Чараның төп максаты-муниципаль берәмлекнең узып баручы елдагы эшен бәяләү һәм якын киләчәккә бурычлар билгеләү иде. Көн тәртибе кысаларында Татарстан Республикасы Муниципаль берәмлекләр рәисе Әгъзам Гобәйдуллин Муниципаль берәмлекләр советы эше турында хисап белән чыгыш ясады. Шулай ук дәүләт һәм муниципаль хакимиятнең үзара хезмәттәшлеге, федераль һәм республика программаларын гамәлгә ашыру мәсьәләләре каралды. Дәүләт хакимияте органнары һәм республиканың җирле үзидарә органнары белән бергәләп хәл итү өчен өстенлекле бурычлар билгеләнде. Съезд эшендә Татарстан Республикасының барлык муниципаль берәмлекләре вәкилләре, шул исәптән район башлыгы Разиф Кәримов җитәкчелегендә 8 кешедән торган район делегациясе дә катнашты. Поручик һәм Иске Маврин авыл җирлекләре башлыкларына яңа Шевроле-Нива автомобильләреннән ачкычлар тапшырылды .