Зәйдә "Алтын башак"конкурсына йомгак ясалды

20 декабрь көнне балалар музыка мәктәбендә авыл җирлекләре арасында "Алтын башак" XI муниципаль вокаль конкурсына йомгак ясалды һәм нәтиҗәләр игълан ителде. Быел бәйге Туган телләр һәм Халык бердәмлеге елына багышланган иде. Конкурс "Вокал ансамбльләр" номинациясендә үткәрелде һәм читтән торып уздырылды. Жюри хөкеменә районның ун авылыннан 18 ансамбль үз видео-чыгышларын җибәрде. Нәтиҗәдә, иң яхшы конкурсантлар билгеләнде, ә аларның җитәкчеләре мәктәпнең концерт залында узган бүләкләү тантанасына чакырылган иде. Бүләкләү тантанасыннан соң укытучы Гилаева Лилия Разак кызы катнашучылар өчен түгәрәк өстәл үткәрде. Барлык җитәкчеләргә Рәхмәт хатлары, ә яшь конкурсантларга традицион Яңа ел бүләкләре тапшырылды.