«Халыкны эш белән тәэмин итүгә ярдәм итү» федераль проекты кысаларында Зәй районы гражданнары укулар узды

2021 елдан "Халыкны эш белән тәэмин итүгә ярдәм итү» федераль проекты, «Демография» милли проекты кысаларында түбәндәге категорияләрдәге гражданнарга һөнәри белем бирү һәм өстәмә һөнәри белем бирү программасы гамәлгә ашырыла: эш эзләүче һәм эш белән тәэмин итү хезмәте органнарына мөрәҗәгать иткән гражданнар, шул исәптән эшсез гражданнар; 50 яшь һәм аннан өлкәнрәк гражданнар; пенсия алды яшендәге гражданнар; 3 яшькә кадәр бала карау буенча отпускта торучы хатын-кызлар; мәктәпкәчә яшьтәге балалары булган, хезмәт мөнәсәбәтләрендә тормаган хатын-кызлар. Гражданнар өчен укулар бушлай. 2021 елда Зәй районында эш эзләүче гражданнар «Россиядә эш» порталы аша «Мәшгульлек ярдәм итү» федераль проекты кысаларында укуга 30 гариза биргән, шуларның 9ы Worldskils "Хезмәтне саклау"программасы буенча. Курслар программасы 256 академик сәгать тәшкил иткән. Барлык тыңлаучылар да йомгаклау аттестациясен уңышлы үткән һәм сайлап алынган программага туры килгән квалификация турында документ алган. Яңа белем бирү программалары, алга таба эшкә урнаштыру өчен актуаль булган белем бирү программалары буенча уку өчен гаризаны исемлектән регион, программа һәм белем бирү оешмасын сайлап алып, «Работа в России» порталы аша бирергә мөмкин.