Зәйдә район мәгариф оешмалары җитәкчеләре семинары узды

Бүген 1 нче номерлы мәктәптә район башлыгы Разиф Кәримов катнашында «Милли мәгариф һәм үсешнең төп векторлары» темасына мәгариф оешмалары җитәкчеләре киңәшмәсе узды. Пленар өлештә семинарда катнашучылар игътибарына «Каенкай» балалар бакчасы, «Татар театры» һәм «Иҗади остаханә» мәктәп түгәрәкләренең телләрне өйрәнү буенча эшләре тәкъдим ителде. Чарада катнашучылар шулай ук туган телләр һәм Халыклар бердәмлеге елына багышланган күргәзмә белән таныштылар, мәктәпнең туган якны өйрәнү музеенда булдылар. Киңәшмә барышында мәгариф идарәсе башлыгы Эрнст Сәфәргалиев чыгышы тыңланды, ул шәһәр һәм районның барлык мәгариф учреждениеләре эше буенча җентекле анализ ясады. 1 нче мәктәп директоры Марат Мөхәммәтшин үз мәктәбе мисалында заманча мәктәп шартларында туган телне өйрәнү һәм үстерү буенча эш тәҗрибәсе белән уртаклашты. 6 нчы мәктәпнең милли белем бирү буенча директор урынбасары Ләйсән Камалиева заманча мәктәптә эшләү системасы, «Каенкай» балалар бакчасы мөдире Венера Степанова мәктәпкәчә учреждениедә милли мәгарифне үстерү турында сөйләде. Семинар нәтиҗәләре буенча «2014-2020 елларга Татарстан Республикасы дәүләт телләрен һәм башка телләрне саклау, өйрәнү һәм үстерү» дәүләт программасын гамәлгә ашыру буенча эшне активлаштырырга дигән карар кабул ителде.