Яшь зәйлеләр әниләре өчен открыткалар ясадылар

Мирный микрорайонындагы шәһәр мәдәният йортында Әниләр көненә багышланган открыткалар ясау буенча мастер-класс узды. Россиядә ноябрь аеның соңгы якшәмбесендә Әниләр көне билгеләп үтелә. Быел ул 28 ноябрьгә туры килә. Бу бәйрәм алдыннан, 22 ноябрь көнне, Мирный микрорайоны мәдәният йорты түгәрәгенә йөрүче балалар өчен мастер-класс үткәрелде. "Мин әниемә елмаю бүләк итәм!-"исеме астында яшь зәйлеләр үз куллары белән яраткан әниләр өчен котлау открыткалары ясадылар. Балалар иң матур чәчәкләрне сайларга тырыштылар, открыткадагы чәчәк бәйләмнәре, һичшиксез, әниләргә яхшы кәеф алып килсен дип тырыштылар. Моннан тыш, алар котлау открыткаларын һәм җылы теләкләрен үзләренең сөекле әниләренә җиткерделәр.