Зәйлеләр каратэ буенча киокусинкай республика турнирында призлы урыннар яуладылар
21 ноябрьдә Баулы шәһәрендә киокусинкай карата республика турниры булып узды, анда Пенза, Ульяновск, Самара, Октябрьский, Зәй, Бөгелмә, Баулы, Әлмәт, Түбән Кама, Лениногорск, Яр Чаллы, Чистай, Кукмара, Казан шәһәрләреннән 300 спортчы катнашты. Зәй шәһәрен тренерлар Алексей һәм Владимир Ревиннарның шәкертләре тәкъдим итте. Безнең егетләр югары дәрәҗәдә чыгыш ясадылар. Үз категорияләрендә беренче урыннарны Ревин Егор, Ишмөхәммәтов Тимур, Хөснетдинов Марат, Подъячев Илья, Волошин Айрат, Ларионов Кирилл, Агапова Элиза, Ихинданова Өмукурсум, Камалиева Амелия, Ишмөхәммәтов Әмир, Алиев Алибек яуладылар. Көмеш медальләрне Селиверстлар Радаль, Москова София, Скопинцев Георгий яулады. Комиссаров Алексей, Семенов Артем, Гомәров Раил, Шарапова Екатерина, Плеханов Дмитрий бронза медальләр яулады.