Район башлыгы шәһәрнең төп җитештерү предприятиеләрендә булды

Бүген Зәй районы башлыгы Разиф Кәримов эш графигы кысаларында «Зәй шикәре» ААҖ, «Аккорайд Уилз Руссиа» ҖЧҖдә булды. Визит барышында ул предприятиеләрнең агымдагы эшчәнлеге белән танышты, цехларда булды, шулай ук Татарстан Республикасы Министрлар Кабинетының «Татарстан Республикасында яңа коронавирус инфекциясе таралуны булдырмау чаралары турында» гы 1006 нчы карарын һәм «эпидемия күрсәткечләре буенча аерым гражданнарга COVID-19га каршы мәҗбүри вакцинация үткәрү турында»гы Татарстан Республикасы буенча баш дәүләт санитар табибының 7 нче карарын үтәүне контрольдә тотуны тәэмин итүгә игътибар итте. Заводларның җитәкче составы белән предприятиеләрнең социаль-икътисади үсеше буенча актуаль мәсьәләләр һәм планнар турында фикер алыштылар.