Бөтенроссия балаларга хокукый ярдәм күрсәтү көне

Хөрмәтле Зәй муниципаль районы халкы! 2021 елның 19 ноябрендә 16 сәгать 00 минутта Зәй муниципаль районы Башкарма комитетының социаль юнәлештәге оешмалар, учреждениеләр һәм структур бүлекчәләре вәкилләре катнашында түбәндәге максатчан төркемнәргә караган затларга түләүсез юридик ярдәм күрсәтү оештырыла: ятим балалар, ата-ана каравыннан мәхрүм калган балалар, ятим балалар һәм ата-ана каравыннан мәхрүм калган балалар арасыннан булган затлар, үз гаиләсенә тәрбиягә бала алырга теләүче затлар, уллыкка алучылар, инвалид балалар, шулай ук аларның законлы вәкилләре. Санитар-эпидемиологик нормаларны үтәү максатыннан югарыда санап үтелгән чаралар ерак элемтә каналларын кулланып (видео аша кабул итү, онлайн лекцияләр һәм семинарлар) үткәреләчәк. Үз сорауларыгызны 18 ноябрь 17.00 сәгатькә кадәр ("түләүсез юридик ярдәм» тамгасы белән) zai.ispolkom@tatar.ru эл адресына яки 3-58-08, 3-41-31 телефон номерлары буенча җибәрергә мөмкин.