Районның 2 авыл җирлеге яңа автомобильләр алды
Бүген Казанда ТР Дәүләт Советы каршындагы мәйданда Республика смотр-конкурсы нәтиҗәләре буенча авыл җирлекләре һәм муниципаль учреждениеләр җитәкчеләренә автотранспорт чаралары тапшыру тантанасы булды. Тантанада район башлыгы Разиф Кәримов җитәкчелегендәге Зәй делегациясе дә катнашты. Татарстан Конституциясе көнендә Республика Президенты Рөстәм Миңнеханов ТР Муниципаль берәмлекләре конкурсында җиңүчеләрне бүләкләде. Җиңүчеләргә районнар ихтыяҗлары өчен яңа автомобильләр - 93 юлсыз җирләрдә йөри ала торган, ә шәһәр округларына җиде микроавтобус ачкычлары тапшырылды. Республика конкурсында җиңүчеләр арасында Зәй муниципаль районының авыл җирлекләре дә бар. Бигеш һәм Гулькин авыл җирлекләре башлыклары Илгиз Вәлиев һәм Светлана Инькова яңа автомобильләрдән ачкычлар алдылар. Татарстан Муниципаль берәмлекләре арасында республика смотр-конкурсы, муниципаль берәмлекләр эшчәнлегенең нәтиҗәлелеген арттыру һәм авыл һәм шәһәр җирлекләрендә халыкның тормыш сыйфатын яхшырту максатларында 2010 елдан башлап ел саен үткәрелә.