«Россия хәрби тарихының истәлекле датасы»

Зәй районы «Радость» халыкка социаль хезмәт күрсәтү комплекслы үзәге белгечләре социаль хезмәт алучы балигъ булмаган балалар өчен «Россия хәрби тарихының истәлекле датасы» дип исемләнгән патриотик әңгәмә үткәрделәр. Балигъ булмаган балалар һәм яшүсмерләр белән профилактик әңгәмә аларда патриотик хисләр, үз Ватаны өчен горурлык хисе тәрбияләүгә, гражданлык позициясен, һәлак булучыларны искә алуга хөрмәт формалаштыруга юнәлтелгән иде. Бу көрәштә Төркия флотының тар-мар ителүе Төркиянең диңгез көчләрен шактый какшаткан, бу 1828-1829 елларда рус-төрек сугышында Россиянең җиңүенә зур өлеш кертте. Һәм, әлбәттә инде, Союз флотының Наварин көрәшендә җиңүе Греция милли-азатлык хәрәкәтенә ярдәм иткән, аның нәтиҗәсендә 1829 елгы Адрианополь тынычлык килешүе буенча Греция автономиясе барлыкка килә. Греция рус диңгезчеләренең батырлыгын бүген дә хәтерли һәм бәяли. Наварин сугышында Җиңү көне- хәзерге Грециядә милли бәйрәм, бухтада һәлак булган диңгезчеләр истәлегенә һәйкәлләр куелган. Россиядә әлеге тарихи вакыйга хөрмәтенә командир көне билгеләнгән.