Зәйдә балигъ булмаганнар арасында хокук бозуларны кисәтү буенча чара узды

Бүген шәһәр мәдәният йорты иҗади хезмәткәрләре 5 нче мәктәп белән берлектә балигъ булмаганнар арасында хокук бозуларны кисәтү буенча «Тормыш матур, аны юкка югалтмаска" дигән интерактив программа үткәрделәр. Чараның максаты булып яшүсмерләрдә үз тормышы һәм сәламәтлеге өчен җаваплы мөнәсәбәт, яшүсмерләр арасында күмәк бердәмлек һәм психологик климат формалаштыру, шәхси потенциалны тормышка ашыруга омтылышны үстерү торды. Һәр кеше үз тормыш юлын үзе сайлый, әмма бу тормыш күп факторларга бәйле. Тормыш сыйфатына социаль һәм матди байлыклар, әйләнә-тирә мохит, гаилә, дуслар, кешенең микроклиматы йогынты ясый. Чара «Җөмләне дәвам ит» дигән фразадан башланды. Яшүсмерләргә алар өчен тормышның нәрсәне аңлатуын билгеләргә һәм «тормыш – ул ... " дигән гыйбарәне дәвам итәргә кирәк иде. «Минем казанышларым» һәм «Рефлексия» уеннары өчен туп кулланылды. Аны тоткан кеше үз тормышындагы казанышлары турында сөйләде. «Тормышны нәрсәгә сарыф итәргә» дигән уенда балаларга тормышта максатлар турында уйлап карарга тәкъдим ителде. Балаларның нигезле җаваплары оптимистик рухта һәм дөрес юнәлештә булуы куандыра. Һәр конкрет ситуациядә чишелешне сайлау нәкъ менә аларга бәйле. Интерактив программа ахырында, нәтиҗәләр ясар алдыннан, балалар уен барышында тәкъдим ителгән «кыйммәтле әйберләр» нең нинди икәнлеген искә алырга тиешләр иде. Балалар иң кыйммәтле нәрсә - сәламәт гаилә дигән нәтиҗәгә килделәр.