Зәйлеләрне 1 декабрьгә кадәр милеккә салымнарын түләргә чакыралар

Билгеле булганча, фатир, йорт, дача, җир биләмәләре һәм автомобиль хуҗалары 2021 елның 1 декабренә кадәр үз милке өчен салым түләргә тиеш. 2021 елның 1 декабрендә физик затлар тарафыннан 2020 ел өчен салым түләү срогы чыга. Федераль салым хезмәте, салым түләү турындагы документларны электрон яки басма рәвештә тарата. Күп кенә россиялеләр элеккечә үк салым кәгазьләрен Россия почтасы буенча конвертта заказлы хат белән ала. Федераль салым инспекциясе сайтында шәхси кабинеты булучылар хәбәрнамәләрне бары электрон рәвештә генә алалар. Ул сайттагы шәхси кабинетта (nalog.ru) урнаштырыла. Салымнарны электрон рәвештә түләү уңайлы да, вакытны янга калдыру мөмкинлеге дә бирә, пандемия чорында сәламәтлекне саклау да булып тора. Аны мобиль кушымта “Налоги ФЛ” аша, Россия салым хезмәте сайтында шәхси кабинетка кереп һәм әлеге сайтта “Уплата налогов и пошлин“ сервисы ярдәмендә башкарырга мөмкин.