Район башлыгы авыл хуҗалыгы формированиеләрен йөреп чыкты

12 октябрь көнне район Башлыгы Р.Г. Кәримов районның авыл хуҗалыгы һәм азык-төлек идарәсе башлыгы, белгечләре һәм зооветеринария белгечләре белән берлектә авыл хуҗалыгы формированиеләрен йөреп чыкты. Район игенчеләре бөртекле һәм техник культуралар җыюны, туфракны төп эшкәртүне, тигезләү һәм тирәнәйтүне, шикәр чөгендерен казуны уңышлы төгәлләделәр. Бүген АПК хезмәткәрләре техниканы көзге-кышкы саклауга куюга һәм авыл хуҗалыгы машиналарын, тракторларны ремонтлауга керештеләр. Һәр җитештерү комплексында әлеге эшләрне башкару өчен ремонт бригадалары оештырылган. «Кадер», «Бигеш», «Баграж» җитештерү кооперативларының машина-трактор паркларында булганда комиссия техниканы саклауга куюның яхшы оештырылуын билгеләп үтте. Район башлыгы авыл хуҗалыгы машиналарын, тырмаларны ремонтлау белән танышты, ремонт эшләрен башкаруның барлык нечкәлекләренә аерым игътибар бирде. Ул эшне 2022 елның беренче гыйнварына төгәлләү бурычын куйды. График нигезендә, алар «НИВА» ҖЧҖ, «Куш-Елга», «Дүрт-Мунча» сөт комплексларында, «Бура-Киртә» сөт-товар фермасында һәм «Сарсаз-Баграж» таналарны үстерү фермасында булдылар. Шулай ук сәфәрдә катнашучылар бозауларны карап тоту, савым көтүен ашату белән таныштылар, терлекчеләр белән сөт продуктлылыгын арттыру турында сөйләштеләр. Корылыклы һава шартлары булуга карамастан, районда җитәрлек күләмдә тупас һәм сусыл азык әзерләнгән. Разиф Галиевич булган терлек азыгына сакчыл карарга чакырды һәм тулай савымны тәүлеккә 78-80 тонна дәрәҗәсендә саклап калу бурычын куйды.