Зәйдә коррупциягә каршы көрәш эшен координацияләү буенча район комиссиясе утырышы узды

Бүген хакимиятнең зур залында коррупциягә каршы көрәш эшен координацияләү буенча район комиссиясе утырышы булды. Утырыш барышында комиссия әгъзалары һәм катнашучылар Зәй шәһәре прокуратурасы тарафыннан 2021 елның 9 аенда районда ачыкланган коррупциягә каршы закон бозу очраклары турында мәгълүмат тыңладылар, аның белән Зәй шәһәре прокуроры чыгыш ясады. Муниципаль милек белән эш итү өлкәсендә коррупцион хокук бозуларны кисәтү чаралары турында мөлкәт һәм җир мөнәсәбәтләре палатасы рәисе урынбасары хәбәр итте. Балалар һәм яшьләр арасында коррупциягә каршы тәрбия бирү буенча үткәрелә торган чаралар белән мәгариф һәм яшьләр эшләре буенча идарә башлыклары таныштырдылар. Моннан тыш, утырышта катнашучылар игътибарына районның җирле үзидарә органнарының граждан җәмгыяте институтлары һәм коррупциягә каршы тору өлкәсендә массакүләм мәгълүмат чаралары белән үзара хезмәттәшлеге, 2021 елда Зәй муниципаль районында хезмәт тәртибенә куелган таләпләрне үтәү һәм мәнфәгатьләр конфликтын җайга салу буенча комиссия эше турында мәгълүмат тәкъдим ителде.