Район башлыгы Разиф Кәримов Укытучылар көне белән тәбрик итә

Хөрмәтле укытучылар, мәгариф хезмәткәрләре һәм педагогик хезмәт ветераннары! Сезне һөнәри бәйрәмегез - Халыкара Укытучылар көне белән чын күңелдән котлыйм! Укытучы һөнәре - җир йөзендә иң изге һәм кирәкле, җаваплы һөнәрләрнең берсе. Нәкъ менә сез балаларны мөстәкыйль фикерләргә, дөрес карарлар кабул итәргә, үз гамәлләре өчен җаваплы булырга өйрәтәсез, туп-ланган белем һәм тәҗрибәгезне тапшырасыз, аларда гармонияле шәхес формалаштырасыз, югары әхлакый һәм гомумкешелек-лелек сыйфатлары, гражданлык җаваплылыгы тәрбиялисез. Бүген укытучыга карата таләпләр күп тапкырлар артты. Без үзгәрешләр заманында яшибез: мәгарифне модернизацияләү гамәлгә ашырыла, аның эчтәлеге үзгәрә, яңа белем бирү стандартлары кертелә. Бары тик сезнең педагогик талантыгыз, осталыгыгыз, һәрвакыт белемегезне камилләштерү өстендә эшләвегез заман белән бергә атларга һәм заманча технологияләрдән оста файдалана белергә мөмкинлек бирә. Ихласлыгыгыз һәм сабырлыгыгыз, сайлаган һөнәрегезгә карата мәхәббәтегез өчен зур рәхмәт. Без, үз чиратыбызда, муниципаль районның үсеп килүче буынын укыту һәм тәрбияләүдә тиешле шартлар тудыру өчен кулдан килгәннең барысын да эшләргә тырышабыз. Хезмәтләрен дәвам иткән педагогик хезмәт ветераннарына аерым рәхмәт сүзләрен җиткерәбез. Сез яшь укытучылар өчен үрнәк, үз һөнәрегезгә бирелгәнлек өлгесе булып торасыз. Барыгызга яңа уңышлар, иҗади энергия, талантлы укучылар, нык сәламәтлек, гаилә бәхете һәм иминлек телим!