Зәйдә чаңгычылар арасында җәйге Чемпионат һәм Татарстан Республикасы беренчелеге тәмам

3 октябрь көнне «Ялта-Зәй» спорт әзерлеге үзәгендә чаңгычылар арасында җәйге Чемпионатны һәм Татарстан Республикасы беренчелеген ябу тантанасы узды. Ярышларда 17 команда, 123 спортчы катнашты. Бүләкләү тантанасында Зәй муниципаль районы Башкарма комитеты җитәкчесе Галиев Эмиль Эдуард улы, СССРның һәм Россиянең атказанган спорт мастеры, өч тапкыр олимпия чемпионы, 14 тапкыр дөнья чемпионы, җәмәгать эшлеклесе, Россия чаңгы узышлары федерациясе президенты, Россиянең чаңгы төрләре ассоциациясе башлыгы Вяльбе Елена Валерьевна, Татарстан Республикасы чаңгы узышлары һәм биатлон федерациясенең беренче вице-президенты – Мәҗитов Азат Илгиз улы катнашты. Ярышларның беренче көнендә хатын – кызлар, кызлар һәм яшүсмер кызлар ирекле стильдә 10 км лы, ә ир-атлар һәм егетләр-15 км лы арада ярыштылар. Зәйдән хатын-кызлар арасында Гаянова Эльмира-3 урын, Утяганова Анастасия -1 урын, Лобастова Полина -2 урын, Ибраһимова Ирина 3 урынны яуладылар. 19-20 яшьлекләр арасында Кощеева Анна-2 урын, Вәлиуллина Алинә -3 урын, 19-20 яшьлек егетләр арасында Шикалов Антон -2 урынны яулады. Ярышларның икенче көнендә хатын – кызлар -5, ир-атлар 7,5 чакрымга кросста көч сынаштылар. 21-23 яшьлек яшүсмер кызлар арасында 1 урынны Утяганова Анастасия яулады. 19-20 яшьлек егетләр арасында 2 урынга Шикалов Антон чыкты. Гомумкоманда урыннары: 1 урын-Казан шәһәре (1676 очко), 2 урын-Яр Чаллы шәһәре (1098 очко), 3 урын-Зәй шәһәре (881 очко).