Зәйдә капиталь ремонт һәм төзелеш объектларында эшнең барышын карадылар

Бүген район башлыгы Разиф Кәримов капиталь ремонт һәм төзелеш объектларын карап чыкты. Тикшерү графигына Кадер ФАПы, «Йолдызлык» балалар ял лагеры, футбол манежы, суд приставлары бинасы, Никифоров ур.,71, 73 адресы буенча күпфатирлы йорт ишегалды, «Якты кондыз» балалар бакчасы кертелгән иде. Район башлыгы белән бергә объектларда башкарылган эшләрнең барышын һәм сыйфатын район Башкарма комитеты җитәкчесенең инфраструктура үсеше буенча урынбасары Ринат Хәҗипов, подрядчы оешма вәкилләре бәяләде. Тикшерү барышында Разиф Галиевич подрядчы оешма җитәкчеләренең игътибарын эшләрне башкаруның сыйфатына һәм срокларына юнәлтте, аның нәтиҗәләре буенча җаваплы кешеләргә тиешле йөкләмәләр бирде.