Зәйдә чаңгычылар арасында җәйге Чемпионат һәм Татарстан Республикасы беренчелеге узачак

1 октябрьдән 3 октябрьгә кадәр «Ялта-Зәй» спорт әзерлеге үзәге базасында чаңгычылар арасында җәйге Чемпионат һәм Татарстан Республикасы беренчелеге узачак. Шәхси-команда ярышлары Татарстан Республикасында чаңгы узышларын үстерү максатыннан үткәрелә. Спорт ярышларын уздыру бурычлары түбәндәгеләрдән гыйбарәт: Татарстан Республикасында чаңгы узышларын популярлаштыру һәм алга таба үстерү; чаңгы ярышлары белән шөгыльләнүче спортчыларның спорт осталыгын арттыру; чаңгычыларның 2021-2022 елгы кышкы сезонга әзерлеге дәрәҗәсен карау, Татарстан Республикасы җыелма командаларын туплау. Ярышлар программасы:1 октябрь (җомга)- командаларның килүе, 2 октябрь (шимбә) 10: 00 аерым старт хатын - кызлар, 21-23 яшьлек хатын-кызлар, кызлар, ирекле стиль 10 км.11:30 ир-атлар, 21-23 яшь ир-атлар, егетләр, ирекле стиль 15 км. 15:00 ярышларны рәсми ачу тантанасы. Ярышларның 1 нче көнендә җиңүчеләрне һәм призерларны бүләкләү. 3 октябрь (якшәмбе) 10: 00 аерым старт хатын-кызлар, яшүсмер кызлар, кросс 5 км. 11: 30 аерым старт ир-атлар, юниорлар, егетләр, 7,5 км.кросс, 13:15 ярышларның 2 нче көне җиңүчеләрен һәм призерларын бүләкләү. Команда беренчелегенә йомгак ясау. Ярышларны ябу.