"Халык гореф-гадәтләре" уен-викторинасы

Милли мәдәнияттә халык гореф – гадәтләре зур урын алып тора. Алар милли үзенчәлекне сакларга, чорлар һәм буыннар бәйләнешен тоярга, рухи ярдәм һәм тормыш терәге табарга мөмкинлек бирә. Һәр халыкның үз мәдәнияте, милли костюмнары, тел, гореф-гадәтләре, милли ашлары, әкиятләре һәм уеннары бар. Бүген музей хезмәткәрләре 1 нче мәктәпнең 4 «Б» сыйныф укучылары өчен Туган телләр һәм Халык бердәмлеге елына багышланган «Халык гореф-гадәтләре» сорау -бәйгесе үткәрделәр. Балалар төрле милләт кешеләренең ничек яшәгәнен һәм нәрсә белән мавыгуын белү өчен, тарихка чумдылар. Чарада алар Идел буе: Татарстан, Башкортстан, Чуашстан халыклары турында мәгълүмат алдылар. Милли халык уеннары: «Кашык белән йомырка», «Ручеек«, «Түбәтәй», «Исемең ничек» һәм башкалар белән таныштылар. Әлеге халыклар мәдәниятләре бер-берсе белән тыгыз бәйләнгән, бер – берсен тулыландыра һәм баета, уртак Ватаныбыз мәдәниятен тәшкил итә.