Зәй яшьләре Республика актив мәктәбендә

28 сентябрьдә “Чиста булачак” Яшьләр экология хәрәкәте активының республика мәктәбенә старт бирелде. Анда Зәй политехник көллияте “Эко-Стайл” командасы активистлары: Комарских Александр, Миронова Анна, Лоушкин Владимир, Абдрашитова Ләйсән катнаша. Республика активы мәктәбен оештыручылар - «Россия студентлар отрядлары» яшьләр гомумроссия иҗтимагый оешмасының Татарстан төбәк бүлекчәсе белән Татарстан Республикасының Экология һәм табигый ресурслар министрлыгы ярдәмендә «Чиста булачак» региональ яшьләр оешмасы. Республика актив мәктәбенең белем бирү программасы кысаларында экспертлар белән очрашулар, мастер-класслар, «Форсайт сессия» сценарий планлаштыру тренингы, белем-рол уены «#ЗеленаякомандаБЧ» һәм TED стилендәге конфренция уза. Чараның йомгаклау көнендә катнашучыларны рус географик җәмгыяте белән берлектә оештырыла торган экологик фестиваль көтә.