Кояш эфир телерадиоканалларын кабул итүгә йогынты ясарга мөмкин

27 сентябрьдән Татарстан Республикасы күгендә көзге интерференция - кояш нурлары телевизион сигналларга йогынты ясый ала торган күренеш күзәтелә. Күпчелек цифрлы эфир телевидениесе кулланучылар, мөгаен, сурәт сыйфатындагы үзгәрешләрне сизмичә дә калыр. Кайбер очракларда сурәтнең кыска вакытка туктап калуы, аның пиксельләргә таралуы, хәтта югалып торуы ихтималы да бар. Кояш иртәнге һәм көндезге сәгатьләрдә – 11.34тән 12.41гә кадәр (тәүлегенә 5 минуттан да артык түгел) телевизор караучыларга комачауларга мөмкин. Республикада көзге интерференция 20 октябрьгә кадәр дәвам итәчәк. Телесигналны һәр торак пунктта трансляцияләү графигын РТРС (смотрицифру.рф) сайтында һәм «Телегид»кушымтасында карарга була. Кояш - радиодулкынның көчле чыганагы, һәм сигналлар иярченнең сигналын "яктырта. Кояш интерференциясе елга ике тапкыр - язын һәм көзен була. Татарстанда яшәүче барлык кешеләргә дә диярлек 20 телевизион һәм өч радиоканалны югары сыйфатта һәм абонент түләвеннән башка кабул итү мөмкинлеген тәэмин иткән цифрлы эфир телетапшыруына аналоглардан күчү интерференциянең эфир трансляциясенә йогынтысын шактый киметергә мөмкинлек бирде.