«Сугыш хатын-кыз өчен түгел...»
15 нче сентябрь көнне «Сугыш хатын-кыз өчен түгел...» социаль-гуманитар проекты кысаларында «Шатлык» халыкка социаль хезмәт күрсәтү комплекслы үзәге социаль педагогы Зәй политехник көллиятенең «Profistail» волонтерлар отряды белән берлектә Бөек Ватан сугышы ветераны Моисеева Анна Ивановна янына бардылар. Татарстан парламенты хатын-кыз депутатлары инициативасы белән оештырылган «Сугышта хатын-кыз өчен түгел...» проекты Бөек Ватан сугышында катнашкан хатын-кызларның, тыл хезмәтчәннәренең, сугыш чоры балаларының, һәлак булган фронтовикларның тол калган хатыннарның героик үткәне турында хатирәләрне һәм тарихи фактларны берләштерде. Проект кысаларында чыгарылган китап битләрендә Бөек Ватан сугышында катнашкан 256 кешенең, блокадалы Ленинградта яшәүче хатын-кызның, Татарстанда яшәүче фашист концлагерьларының балигъ булмаган тоткыннарының фотосурәтләре һәм истәлекләре урнаштырылды. Анна Ивановна 1942 елның июнендә мобилизацияләнә. 1942 елдан 1945 елга кадәр 1 нче Белоруссия фронтының 61 нче армиясенең 473 нче кыр күчмә хирургия госпитале составында була. Медицина хезмәтенең кече сержанты Мәскәүдән Берлинга кадәр юл үтә. Икенче дәрәҗә Ватан сугышы ордены, «Сугышчан казанышлары өчен», «Берлинны алган өчен», «Жуков медале», «Хезмәт ветераны» һ.б. медальләр белән бүләкләнгән Ветеран тарихи вакыйганың шаһиты – Рейхстангта Җиңү Байрагын сузу турында сөйләде, ә демобилизация көнендә аларның составын маршал Жуков үзе озаткан. Бу көнне ул аңа часть командованиесе грамотасын тапшырган. Балалар Анна Ивановнаның сугыш вакыйгалары турында хикәяләрен җылы шартларда тыңладылар. Дәһшәтле сугыш елларын узган Моисеева Анна Ивановна балалар белән һәр очрашуга шат. Китапны Зәй шәһәре башлыгы урынбасары Недошивина Елена Владимировна тапшырды. Ул Анна Ивановнага сәламәтлек теләде.