Зәй үзәк китапханәсендә өлкәннәр өчен экскурсия

Бүген Сөббух Рәфыйков исемендәге үзәк китапханәдә Зәй "Шатлык" социаль хезмәтләр күрсәтү үзәгендә ял итүчеләр өчен экскурсия үтте. Башта кунакларга китапханәнең барлыкка килү тарихы, быел аның оешуына 125 ел тулу турында сөйләделәр. Чара барышында кунаклар китапханә мөмкинлекләре турында белделәр, аның бүлекләрендә булдылар, китап фондлары, гамәлдәге күргәзмәләр, шулай ук китапханә сайтында тәкъдим ителгән электрон ресурслар белән таныштылар. Равил Әхәтовның агач эшләреннән төзелгән күргәзмәсе кунакларда аеруча зур кызыксыну уятты. Китапханә заллары буйлап сәяхәт кылып, кунаклар китапханәгә ешрак килергә теләк белдерделәр.