Зәй муниципаль районы мәктәпләрендә тантаналы линейкалар узды

Бүген Зәй муниципаль районында 600 беренче сыйныф укучысы белем иленә беренче адымнарын ясады. Белем көне-яңа 2021-2022 уку елы башлануга багышланган тантаналы линейкада Зәй муниципаль районы башлыгы Кәримов Разиф Гали улы, Татарстан Республикасының мәдәни мирас объектларын саклау комитеты рәисе Гущин Иван Николаевич, мәгариф идарәсе башлыгы Сәфәргалиев Эрнст Рәис улы балаларга кызыклы укулар, мавыктыргыч ачышлар, ышанычлы дуслар теләделәр. 1 сентябрь көнне №1, №2, №3, №4, №5нче мәктәп базаларында «Мәгариф» милли проектының «Заманча мәктәп» федераль проектын гамәлгә ашыру кысаларында, «Үсеш ноктасы»табигый-фәнни һәм технологик юнәлештәге мәгариф үзәкләре ачыла. Әлеге мәктәпләрдә «Физика», «Химия», «Биология» фәннәре буенча матди-техник база яңартылды. Бүген Зәй районында сыйфатлы белем алу өчен бөтен шартлар да бар. Мәгариф учреждениеләрендә өлкән буын укытучыларының бай тәҗрибәсе, һөнәри зирәклеге, яшь белгечләрнең яңа алымнары һәм инициативалары бергә кулланыла. Яңа уку елы тагында кызыклы һәм нәтиҗәле булсын, ачышлар һәм яңа казанышлар алып килсен!